გერმანიის საგარეო საქმეთა ყოფილი მინისტრი ფრანკ-ვალტერ შტაინმაიერი ქვეყნის პრეზიდენტი გახდა. მას ფედერალური კრების დელეგატების ნახევარზე მეტმა დაუჭირა მხარი. გერმანიის კანონმდებლობით, პრეზიდენტს 5 წლის ვადით 1260 დეპუტატისგან შემდგარი ფედერალური კრება ირჩევს. გამარჯვებისთვის 631 ხმა იყო საკმარისი. პრეზიდენტის პოსტზე სტაინმაიერი იოაჰიმ გაუკს ჩაანაცვლებს.
