ბალტიის ქვეყნები საზღვრის მახლობლად დაგეგმილი რუსული სამხედრო წვრთნების გამო შეერთებული შტატებისა და ნატოსგან მეტ აქტიურობას ელიან. ლიტვის პრეზიდენტის განცხადებით, რუსეთმა ფართომასშტაბიანი წვრთნები, სახელწოდებით „დასავლეთი“ სექტემბერში უნდა დაიწყოს. ჩრდილოატლანტიკურმა ალიანსმა ათასკაციანი პირადი შემადგენლობის ოთხი საბრძოლო ჯგუფის განთავსება ბალტიის თითოეულ სახელმწიფოსა და პოლონეთში უკვე დაიწყო. რეგიონში რუსეთის შეკავების მექანიზმის ამოქმედება ჯერ კიდევ პრეზიდენტ ბარაკ ობამას ადმინისტრაციის დროს გადაწყდა.
