მექსიკის კედლის მშენებლობა შესაძლოა ორჯერ უფრო ძვირი დაჯდეს, ვიდრე არჩევნებამდე ტრამპი აანონსებდა. უსაფრთხოების სამსახურის გათვლით, დამცავი ბარიერის მშენებლობა 21 მილიარდ 600 მილიონი დოლარი დაჯდება, კერძო კომპანიების კალკულაციით კი ხარჯები 25 მილიარდს გადააჭარბებს. ამერიკა-მექსიკის საზღვარზე უსაფრთხოების კედლის მშენებლობა ტრამპის ერთ-ერთი წინასაარჩევნო დაპირება იყო, რომლის შესრულებაც მან პრეზიდენტობის პირველივე დღიდან დაიწყო. მანამდე ის აცხადებდა, რომ კედლის მშენებლობა 12 მილიარდი დოლარი დაჯდებოდა.
