მინსკი აზერბაიჯანისთვის ცნობილი ბლოგერის გადაცემის გამო შექმნილ აჟიოტაჟს ეხმაურება. საგარეო საქმეთა სამინისტროს პრეს-სმდივნის, დიმიტრი მირონჩიკის განმარტებით, ბელარუსი ვალდებული იყო ალექსანდრ ლაპშინი ბაქოსთვის გადაეცა, რადგანაც ამას საერთაშორისო კანონმდებლობა ავალდებულებდა. ბლოგერის ექსტრადიცია ბაქოში 2 დღის წინ განხორციელდა. აზერბაიჯანული მხარე ლაპშინს საზღვრის უკანონო გადაკვეთასა და ანტიაზერბაიჯანულ მოწოდებებში ადანაშაულებს.
