,,ვიკილიქსის“ დამფუძნებელს ჯულიან ასანჟს შესაძლოა 30-დღიანი ვადა მისცენ ლონდონში ეკვადორის საელჩოს დასატოვებლად. ეს იმ შემთხვევაში მოხდება, თუ ეკვადორის 2017 წლის საპრეზიდენეტო არჩევენბში ყოფილი ბანკირი და მემარჯვენე ცენტრისტული მოძრაობის თავმჯდომარე გილიერმო ლასო გაიმარჯვებს. ასანჟი საელჩოში 2012 წლიდან იმყოფება.
”ეკვადორელი ხალხი იხდის ფასს, რომელსაც არ უნდა იხდიდეს. ჩვენ მანდატის მიღების შემდეგ თავაზიანდ ვთხოვთ ასანჟს დატოვოს საელჩო 30 დღის განმავლობაში”, - განუცხადა ლასომ გაზეთ Guardian-ს. მისი თქმით, ეკვადორს WikiLeaks-ს დამფუძნებელის შენახვა ძვირი უჯდება რაც გაუმართლებელია.
როგორც გამოცემა წერს, ეკვადორში არჩვენების შედეგების მიუხედავად, იმის ალბათობა, რომ ასანჟმა საელჩო დატოვოს, დიდია. არჩევნები 19 თებერვალს უნდა გაიმართოს.
გამოცემის ცნობით, ასანჟი შენობის ერთ მეოთხედს იკავებს. იმის მიუხედავად, რომ ის საელჩოს პერსონალთან ურთიერთობას თბილს და ოჯახურს უწოდებს, პერიოდულად მათ შორის ურთიერთობა მაინც იძაბება.
WikiLeaks-ის გარშემო სკანდალი 2010 წელს აშშ-ის დიპლომატიური სამსახურების დოკუმენტების გამოქვეყნების შემდეგ აგორდა. დღეს ასანჟი ეკვადორის საელჩოში ცხოვრობს, სადაც მას პოლიტიკური თავშესაფარი მისცეს. ბრიტანეთის სასამართლომ მიიღო გადაწყვეტილება ასანჟის შვედეთში ექსტრადირების შესახებ, სადაც მას სექსუალური ხასიათის დანაშაულში სდებენ ბრალს. თავად WikiLeaks-ის დამფუძნებელი შიშობს, რომ შესაძლოა აშშ-ის გადასცენ, სადაც მას სიკვიდლით დასჯა ემუქრება.
