ჩინეთის ტერიტორიაზე შესასვლელად უცხოეთის მოქალაქეებმა თითის ანაბეჭდები უნდა ჩააბარონ. შესაბამისი გადაწყვეტილება ჩინეთის უშიშროების სამსახურმა მიიღო. ახალი რეგულაცია 10 თებერვლიდან ამოქმედდება. საწყის ეტაპზე თითის ანაბეჭდებს უცხოელებს შენჩჟენის საერთაშორისო აეროპორტში აუღებენ. წლის ბოლომდე კი პროცედურა ქვეყნის ყველა სასაზღვრო პუნქტზე იმოქმედებს.
