დონეცკისა და ლუგანსკის ლიდერები უკრაინის ხელისუფლებას უნდა ჩაბარდნენ. წინააღმდეგ შემთხვევაში ისინი ბატალიონ „სომალის“ მეთაურის ბედს გაიზიარებენ. ასე ეხმაურება ოფიციალური კიევი სეპარატისტთა ცნობილი მეთაურის, გივის, იგივე მიხაილ ტოლსტიხის მკვლელობას. პოლკოვნიკი გივი დღეს დონეცკში საკუთარ კაბინეტში ააფეთქეს. წინასწარი ვერსიით, შენობას რეაქტიულ ნაღმმტყორცნ „შმელიდან“ ესროლეს. 36 წლის მეთაური უკრაინული სამხედროების მიმართ განსაკუთრებული სისასტიკითა და არაადამიანური მოპყრობით გამოირჩეოდა. მის მკვლელობაზე პასუხისმგებლობას დონეცკის დეფაქტო ხელისუფლება უკრაინულ მხარეს აკისრებს.
