თურქეთში საჯარო დაწესებულებებიდან 4 500-მდე ადამიანი დაითხოვეს. მათი ნაწილი განათლების სამინისტროდან გაათავისუფლეს, ნაწილი- ჟანდარმერიიდან, 88 თანამშრომელი კი ტელეკომპანია თი-არ-თი-დან გაუშვეს. 15 ივლისის არშემდგარი სამხედრო გადატრიალების შემდეგ ხელისუფლებამ უკვე დააპატიმრა 41 ათასი ადამიანი, სახელმწიფო სტრუქტურებიდან კი 100 ათასზე მეტი თანამშრომელი გაათავისუფლეს. მათ ბრალად გადატრიალების ორგანიზებაში ბრალდებულ ფეთულა გიულენთან კავშირი ედებათ.
