საფრანგეთის პრეზიდენტობის კანდიდატი ფრანსუა ფიიონი ბოდიშს იხდის სკანდალისთვის, რომელშიც მისი ცოლი პენელოპა გაეხვა, თუმცა საპრეზიდენტო მარათონს არ გამოეთიშება.
„ჩემი მეუღლის დასაქმება კანონის დარღვევით არ მომხდარა. ოჯახის წევრების დასაქმება დღემდე საფრანგეთში მიღებული პრაქტიკა იყო, თუმცა ფრანგები დღეს მას უარყოფენ. მინდა ამ სკანდალის გამო ბოდიში მოგიხადოთ, მაგრამ აქვე გეტყვით, რომ პრეზიდენტობისთვის ბრძოლას არ შევწყვეტ. მე გამარჯვებისთვის ვიბრძოლებ,“-აღნიშნა ფიიონმა.
პრეზიდენტობის კანდიდატის ცოლის წინააღმდეგ გამოძიება საფრანგეთის პროკურატურამ 25 იანვარს დაიწყო. როგორც ირკვევა, პენელოპა ფიიონი ქმარმა პარლამენტში საკუთარ თანაშემწედ დაასაქმა და სოლიდურ გასამრჯელოსაც უხდიდა.
