ისრაელის პარლამენტმა დასავლეთ სანაპიროზე ებრაული დასახლებების მშენებლობას მხარი დაუჭირა. კანონპროექტს ხმა 60-მა დეპუტატმა მისცა, 52 კი წინააღმდეგ გამოვიდა. დოკუმენტი 4 ათასამდე სახლის ლიგალიზებას ითვალისწინებს, რომლებიც პალესტინურ ტერიტორიაზე აშენდა. პალესტინელები, კი, ვინც ამჟამინდელი ებრაული დასახლების ტერიტორიაზე მიწებს ფლობდნენ, ფულად კომპენსაციებს ან ალტერნატიულ მიწის ნაკვეთებს მიიღებენ.
