დონბასში სამხედრო მოქმედებების დაწყებიდან დღემდე 10 ათასზე მეტი ადამიანი დაიღუპა. ამის შესახებ უკრაინის შინაგან საქმეთა სამინისტროს წარმომადგენელმა ზორიან შკირიაკმა განაცხადა. მისივე თქმით, დაღუპილთაგან 3 ათასზე მეტი სამხედრო მოსამსახურე იყო. სროლის ხმა დონბასში ჯერ კიდევ არ შეწყვეტილა, თუმცა როგორც უკრაინული მხარე აცხადებს, ვითარება ავდეევკაში შედარებით დასტაბილურდა. ქალაქის რამდენიმე რაიონს ელექტროენერგიის მიწოდება უკვე აღუდგა.
