მთელი კვირის განმავლობაში გაგრძელებული მასობრივი საპროტესტო აქციების ფონზე, რუმინეთის სოციალ-დემოკრატიულმა მთავრობამ ოფიციალურად გააუქმა კანონი, რომელიც ითვალისწინებდა ოფიციალური კორუფციის გარკვეული ფორმების დეკრიმინალიზაციას. ამის შესახებ ,,როიტერს მთავრობის წარმომადგენელმა განუცხადა.
უკვე მეხუთე დღეა, ათიათასობით მოქალაქე აპროტესტებს ამ კანონს. პოლიციის შეფასებით, 4 თებერვალს აქციის მონაწილეთა რაოდენობა გაუტოლდა 330,000-ს, რაც ყველაზე დიდი რიცხვია მას შემდეგ, რაც 1989 წელს კომუნისტი დიქტატორი, ნიკოლაე ჩაუშესკუ დაამხეს. გრინდეანუს განცხადების ტელევიზიით გადაცემის მომენტში, პოლიციის შეფასებით 170 ათასამდე დემონსტრანტი მისი ოფისის წინ იყო შეკრებილი და გაჰყვიროდა ლოზუნგებს პრემიერის გადადგომის მოთხოვნით.
ახალი რეგულაციით, ციხეები იმ პირებს უნდა დაეტოვებინათ, რომლებსაც ქვეყნისთვის 47,5 ათას დოლარაზე მეტი არ მიუტენებიათ. კანონი ძალაში 10 თებერვლიდან უნდა შესულიყო, თუმცა მასშტაბური საპროტესტო აქციების ფონზე მთავრობამ გადაწყვეტილება გააუქმა.
