გერმანულმა მედიამ საკონცენტრაციო ბანაკებს პოლონური უწოდა, რაც პოლონელმა უფლებადამცველებმა გააპროტესტეს. მათ ევროპის გზებზე ბილბორდიანი ავტომობილი გაუშვეს წარწერით: ,,სიკვდილის ბანაკები ეკუთვნოდა ნაცისტურ გერმანიას. ZDF, მოიბოდიშეთ!“ - ამის შესახებ ინფორმაციას ,,ბიბისი“ ავრცელებს.
დეკემბერში, პოლონურმა სასამართლომ გერმანული ტელეკომპანია ZDF დაავალდებულა ბოდიში მოიხადოს, იმის გამო, რომ დოკუმენტური ფილმის პრომორგოლში ნათქვამი იყო სიტყვები: ,,პოლონური სიკვდილის ბანაკები“. უფლებადამცველები ამტკიცებენ, რომ სასამართლოს მოთხოვნა ამ დრომდე დაკმაყოფილებული არ არის.
