ავდეევკიდან 150-მდე ადამიანის ევაკუაცია განხორციელდა. ამის შესახებ უკრაინის საგანგებო სიტუაციათა სამსახური იტყობინება. უწყების ინფორმაციით, ქალაქში ადგილობრივ მცხოვრებთა დახმარების ცენტრი, სამი სტაციონარული პუნქტი და 3 სამზარეულოა გახსნილი. ქალაქს ამ დრომდე არ მიეწოდება ელექტროენერგია და წყალი. ვითარება ავდეევკაში 29 იანვარს გამწვავდა, მას შემდეგ, რაც სეპარატისტებმა უკრაინულ პოზიციებზე მიიტანეს იერიში. შეტაკებებს მსხვერპლი ორივე მხრიდან მოჰყვა.
