აღმოსავლეთ უკრაინაში კვლავ სროლის ხმა ისმის. ოფიციალური კიევის განცხადებით, შეტაკებებს ღამით კიდევ ერთი უკრაინელი სამხედრო მოსამსახურე ემსხვერპლა. სეპარატისტთა მტკიცებით კი, უკრაინული მხარე დონეცკს გრადებით ბომბავს, რასაც ბოლო 24 საათის განმავლობაში ერთი მებრძოლი და 2 მშვიდობიანი მცხოვრები შეეწირა. მხარეები ცეცხლის შეწყვეტის რეჟიმის დარღვევაში ერთმანეთს ადანაშაულებენ.
