კვებეკში მომხდარ თავდასხმას კანადის ხელისუფლება ტერორისტული აქტის კვალიფიკაციას აძლევს. საგანგებო განცხადება პროვინციის პრემიერმა ფილიპ კუიარმა გააკეთა. მეჩეთზე თავდასხმა გვიან ღამით განხორციელდა. 3 ნიღბიანი შეიარაღებული პირი მუსლიმთა სალოცავში შეიჭრა და ცეცხლი გახსნა. ტერაქტს 6 ადამიანი ემსხვერპლა, 8 კი დაშავდა. პოლიციამ თავდასხმაში ეჭვმიტანილი 2 პირი უკვე დააპატიმრა. თვითმხილველების თქმით, მეჩეთში შეჭრილი ტერორისტები „ალაჰ აკბარს“ ყვიროდნენ.
