ბრიტანეთის მოსახლეობა ტრამპის წინააღმდეგ გამოდის. გაერთიანებულ სამეფოში ხელმოწერების შეგროვება დაიწყო, რომლის მიხედვითაც ამერიკის პრეზიდენტს ქვეყანაში შესვლა უნდა აეკრძალოს. პეტიციას ხელი ნახევარ მილიონ ადამიანზე მეტმა მოაწერა, რაც იმის წინაპირობას იძლევა, რომ საკითხი ბრიტანეთის პარლამენტმა განიხილოს. ტრამპის მიერ საემიგრაციო პოლიტიკის გამკაცრებას პროტესტი გამოუცხადეს საგარეო საქმეთა მინისტრმა ბორის ჯონსონმა, ლონდონის მერმა სადიკ ჰანმა და ლეიბორისტთა ლიდერმა ჯერემი კორბინმა. რაც შეეხება პრემიერ-მინისტრს, ტერეზა მეიმ თავდაპირველად განაცხადა, რომ ამერიკაში ლტოლვილების მიღების საკითხი ამერიკის მთავრობის გადასაწყვეტია, რისთვისაც მწვავე კრიტიკის ობიექტი გახტა. მოგვიანებით კი მეიმ განაცხადა, რომ ტრამპის გადაწყვეტილებას არ ეთანხმება.
