დონალდ ტრამპის მიერ დაწესებული შეზღუდვები ბრიტანეთის მოქალაქეებს არ შეეხება. ამის შესახებ ფორინ ოფისი იტყობინება. ბრიტანეთის საგარეო უწყების განცხადებით, 120 დღით შეერთებული შტატების ტერიტორიაზე მხოლოდ ერაყის, ირანის, იემენის, ლიბიის, სირიის, სომალისა და სუდანის მოქალაქეების შესვლა შეჩერდა. 3 თვის განმავლობაში კი ამერიკის ხელისუფლება იმის დადგენას შეცდება, ეფექტურად მუშაობს თუ არა მოქმედი წესები. ამასთან, შეერთებული შტატები 2017 ფინანურ წელს 50 ათასამდე ლტოლვილის მიღებას აპირებს. პრიორიტეტები რელიგიური ნიშნით დევნილებს მიენიჭებათ.რაც შეეხება ბრიტანეთის მოქალაქეებს, რომლებსაც სიაში შეყვანილი ერთ-რთი ქვეყნის მოქალაქეობაც აქვთ, შეერთებული შტატების ტერიტორიაზე შესასვლელად ისინი დამატებით შემოწმებას გაივლიან. დანარჩენ შემთხვევებში ბრიტანეთის მოქალაქეებს შეზღუდვები არ შეეხება.
