მექსიკა ისრაელის პრემიერს ტრამპის მხარდამჭერი განცხადებებისთვის აკრიტიკებს. საგანგებო განცხადება ქვეყნის საგარეო საქმეთა სამინისტრომ გამოაქვეყნა. „მექსიკა ისრაელს მეგობარ ქვეყნად თვლის და პრემიერ ნეთანიაჰუს მიერ დამცავი კედლის მშენებლობის მხარდაჭერით გაკვირვებულია,“-ნათქვამია მექსიკის საგარეო უწყების განცხადებაში. ტრამპის მიერ მექსიკის კედლის მშენებლობა ბენიამინ ნეთანიაჰუმ 2 დღის წინ სოციალურ ქსელ ტვიტერში მოიწონა, რასაც ოფიციალური მეხიკოს მხრიდან მწვავე რეაქცია მოჰყვა. ნეთანიაჰუს პროტესტი მექსიკაში მცხოვრებმა ებრაელებმაც გამოუცხადეს.
