ჩინეთში მთვარის კალენდრით ახალი წლის დადგომა იზეიმეს. პეკინის მთავარ ბუდისტურ მონასტერში ზარს 108-ჯერ შემოჰკრეს, რის შემდეგაც ქალაქში მასობრივი საზეიმო მსვლელობები და სადღესასწაულო ღონისძიებები დაიწყო, თუმცა მამლის წლის დადგომა წელს ჩინეთის დედაქალაქში მოკრძალებული ფეიერვერკით აღნიშნეს. ჰაერის კატასტროფული დაბინძურების გამო ხელისუფლებამ ფეიერვერკებისა და პეტარდების შეზღუდვის გადაწყვეტილება მიიღო. მანამდე ახალი წლის დადგომას პეკინში გრანდიოზული ფეიერვერკებით აღნიშნავდნენ.
