სტამბოლის ერთ-ერთ უმთავრეს ტურისტულ ღირსშესანიშნაობას ბაზილიკა ცისტერნას, მისი არსებობის მანძილზე, პირველი რესტავრაცია ჩაუტარდება. სტამბოლში, სულთანახმედის ახმედის რაიონში მდებარე ბაზილიკა ცისტერნას, რომელიც უკვე 500 წელზე მეტისაა რესტავრაციას ჩაუტარებენ.
როგორც რესტრავრაციის განმახორციელებელი კომპანია Hera Restoration-ი იტყობინება, ბაზილიკა ცისტერნა რესტავრაციის პერიოდშიც ღია იქნება მნახველებისათვის, თუმცა საუბარია ნაგებობის ნაწილზე. მთლიანად ბაზილიკა ცისტერნას რესტავრაციას 450 დღე დასჭირდება.
განახლებული ბაზილიკა ცისტერნა ტურისტებისათვის ოფიციალურად 2018 წლის 11 მარტს გაიხსნება.
დღეისათვის ბაზილიკა ცისტერნაში შესვლისათვის ტურისტებს ღია ცის ქვეშ ლოდინი და რიგში დგომა უწევთ, თუმცა რესტავრაციის შემდეგ სპეციალური ზონა გაჩნდება, სადაც წვიმის დროს ტურისტებს თავის შეფარება შეეძლებათ.
ბაზილიკა ცისტერნა აია სოფიას ტაძრის სიახლოვეს მდებარეობს, რომელიც ანტიკური სასახლეებიდან წამოღებულ 336 რვამეტრიან სვეტზე დგას. აქედან ორი მათგანი მედუზა გორგონას უზარმაზარ თავზეა დამაგრებული. მესამე ასეთ თავს არქეოლოგიის მუზეუმის ეზოში იპოვით.
