სტამბოლში, ბეშიკთაშის რაიონში მდებარე ღამის კლუბში, სადაც ახალ წელს აღნიშნავდნენ, ცოტა ხნის წინ შეიარაღებული თავდასხმა მოხდა. კლუბში მოულოდნელად გახსნილი სროლის შედეგად დაღუპულია 35 და დაშავებულია 40-ზე მეტი ადამიანი.
თურქული CNN-ის ცნობით, ადგილობრივი დროით 01:30 საათზე, ქალაქის ევროპულ ნაწილში, ბოსფორის ნაპირას მდებარე ღამის კლუბში „რეინა“ სანტა კლაუსის ფორმაში ჩაცმული, შეიარაღებული მამაკაცი შეიჭრა და ცეცხლი გახსნა.
სტამბოლის პოლიციამ თავდასხმა უკვე შეაფასა ტერორისტულ აქტად. თავდასხმელის ძებნა ამ დრომდე გრძელდება.
სტამბოლის ქუჩებში ამ დროისთვის დაახლოებით 17 ათასი პოლიციელია მობილიზებული.
