ბრიტანელი ინსტრუქტორები უკრაინელ სამხედროებს კიდევ ერთი წლის განმავლობაში გაწვრთნიან. ამის შესახებ გაერთიანებული სამეფოს თავდაცვის მინისტრმა განაცხადა. მაიკლ ფელონის თქმით, წვრთნების გაგრძელება რუსეთის პროვოკაციული ქმედებებით არის განპირობებული. „პროგრამის გახანგრძლივება კიდევ ერთი დასტურია იმისა, რომ უკრაინის სუვერენიტეტსა და ტერიტორიულ მთლიანობას ვუჭერთ მხარს. უკრაინის შეიარაღბული ძალები რუსული აგრესიის წინააღმდეგ საბრძოლველად მზად უნდა იყვნენ,“-განაცხადა ფელონმა.
