ევროპარლამენტმა უკრაინისთვის ვიზალიბერალიზაციის მინიჭების საკითხის განხილვა გადადო. ამის შესახებ უკრაინული ტელეარხი 112 იტყობინება. გავრცელებული ინფორმაციით, საკითხის განხილვა 1 თებერვლისთვის გადაიდო. აქამდე ევროპარლამენტის დღის წესრიგში საქართველოსა და უკრაინის ვიზალიბერალიზაციის საკითხის განხილვის სავარაუდო თარიღად 18 იანვარი იყო მითითებული, თუმცა უკრაინის საკითხმა თებერვლისთვის გადაიწია. საქართველოს საკითხის განხილვის სავარაუდო თარიღად კი კვლავ 18 ინავარი დარჩა.როგორც ბრიუსელში სლოვაკეთის საგარეო საქმეთა მინისტრმა განაცხადა, დღეს ევროკავშირის საბჭოს, ევროკომისიას და ევროპარლამენტს შორის საქართველოს ვიზალიბერალიზაციის საკითხზე სამმხრივი მოლაპარაკებები გაიმართება.
