საბერძნეთი პარალიზებულია. ადგილობრივმა პროფკავშირებმა ათენსა და ქვეყნის დიდ ქალაქებში 24 საათიანი გაფიცვა გამოაცხადა. აქციაში ექიმები, პედაგოგები, საგადასახადო და ფინანსური სექტორის წარმომადგენლები, კერძო მეწარმეები, ტრანსპორტის მუშაკები და მეზღვაურები მონაწილეობენ. არ მუშაობს მეტრო, ტრამვაი და რკინიგზა. დროებით ფუნქციონირება შეწყვიტა პორტებმაც. აქციის მონაწილეები პროტესტს რეფორმების ახალ პაკეტს უცხადებენ, რომელიც ხელფასებისა და სოციალური დახმარების შემცირებას ითვალისწინებს.
