უნგრეთში ლტოლვილთა თავშესაფარი დახურეს. ბიჩკის ბანაკის დახურვის გადაწყვეტილება ხელისუფლებამ დაგეგმილ ვადაზე 3 კვირით ადრე მიიღო. თავშესაფარში დარჩენილ მიგრანტებს ბანაკის დასატოვებლად ერთი საათი მისცეს. მათი ნაწილი ავსტრიის საზღვართან მდებარე ბანაკში, ნაწილი კი ბუდაპეშტის უსახლკაროთა თავშესაფარში გადაიყვანეს. ბიჩკის ლტოლვილთა ბანაკმა გასულ წელს 1500 მიგრანტი მიიღო.
