აღმოსავლეთ ალეპოში აქტიური საბრძოლო მოქმედებები დროებით შეჩერდა. ამის შესახებ რუსეთის საგარეო საქმეთა მინისტრმა განაცხადა. სერგეი ლავროვის თქმით, დროებითი ზავი ადგილობრივ მცხოვრებლებს ქალაქის დატოვების საშუალებას მისცემს. ალეპოდან 8 ათასზე მეტი ადამიანის გაყვანა იგეგმება. ასადის არმია რუსული ავიაციის მხარდაჭერით ქალაქზე მასირებულ შტურმს ახორციელებს. ამბოხებულებმა მათ მიერ კონტროლირებადი ტერიტორიის 80 პროცენტი უკვე დათმეს.
