იტალიის პრეზიდენტმა პრემიერ-მინისტრის განცხადება გადადგომის შესახებ არ დააკმაყოფილა. სერჯიო მატარელიმ მატეო რენცის პოსტზე დარჩენა სთხოვა. რენცი პრემიერის მოვალეობას სავარაუდოდ პარლამენტის მიერ მომავალი წლის ბიუჯეტის მიღებამდე შეასრულებს. პრემიერ-მინისტრმა გადადგომის გადაწყვეტილება მას შემდეგ მიიღო, რაც ქვეყნის მოსახლეობამ საყოველთაო რეფერენდუმზე საკონსტიტუციო ცვლილებებს მხარი არ დაუჭირა.
