რუსეთის პრეზიდენტი საფრანგეთის მემარჯვენე-ცენტრისტთა პრაიმერიზის შედეგებს ეხმაურება. ვლადიმირ პუტინის თქმით, პირველ ტურში გამარჯვებულ ფრანსუა ფიიონთან მას მეგობრული ურთიერთობა აკავშირებს.
"ჩვენ არაერთი შეხვედრა გვქონია და კარგი ურთიერთობა ჩამოგვიყალიბდა. მან ყოველთვის იცის, როგორ დაიცვას საკუთარი პოზიცია. ფრანსუა კარგი მომლაპარაკებელი და ბრწყინვალე პროფესიონალია. ამავე დროს, ის, პატიოსანი ადამიანია,"-აღნიშნა პუტინმა.
საფრანგეთის ყოფილი პრემიერ-მინისტრი რუსეთთან ურთიერთბების გაუმჯობესების მომხრეა, რის გამოც მას პრორუს კანდიდატად მოიხსენიებენ. პრაიმერიზის მეორე ტურში ფიიონი ალან ჟუპეს დაუპირისპირდება.
