თურქეთში მასობრივ დაკავებებს აპროტესტებენ. მასშტაბური საპროტესტო აქცია ამჯერად სტამბოლში გაიმართა. აქციის მონაწილეებმა ქურთისტანის მშრომელთა პარტიასთან კავშირში ეჭვმიტანილი მერების დაპატიმრება გააპროტესტეს. ცნობილი ხდება ისიც, რომ ხელისუფლებამ სამსახურიდან სახელმწიფო სექტორში დასაქმებული კიდევ 15 ათასი ადამიანი დაითხოვა. ისინი 15 ივლისის სამხედრო გადატრიალებასთან კავშირში არიან ეჭვმიტანილები. შეუმდგარი პუტჩის შემდეგ თურქეთში სამსახურიდან 110 ათასზე მეტი ადამიანი გაათავისუფლეს, 17 ათასზე მეტი კი დააპატიმრეს.
