ამერიკის პრეზიდენტობის დემოკრატმა კანდიდატმა დაბადების დღე თვითმფრინავში აღნიშნა. ჰილარი კლინტონი 69 წლის გახდა. თანმხლებ ჟურნალისტებს მან სამომავლო გეგმების შესახებ უამბო და შოკოლადის ტორტით გაუმასპინძლდა. ჰილარი კლინტონის თქმით, ის თავს შესანიშნავად გრძნობს, მომავალი ორი კვირის განმავლობაში კი ყურადღების კონცენტრირებას იმ შტატებზე შეეცდება, სადაც ელექტორატის ნაწილს არჩევანი ჯერ არ გაუკეთებია. საპრეზიდენტო არჩევნები შეერთებულ შტატებში 8 ნოემბერს გაიმართება.
