ფილიპინებს შეერთებულ შტატებთან სამხედრო თანამშრომლობა აღარ სურს. ამის შესახებ ქვეყნის პრეზიდენტმა როდრიგო დუტერტემ განაცხადა. „მოუთმენლად ველი იმ დღეს, როდესაც ჩემი ქვეყნის ტერიტორიაზე უცხოელი სამხედროები აღარ იქნებიან. ვაშინგტონი ფილიპინებს ისე ექცევა, როგორც თოკზე გამობმულ ძაღლს, რაც ერთხელ და სამუდამოდ უნდა დავასრულოთ,“-აღნიშნა დუტერტემ. შეერთებულ შტატებსა და ფილიპინებს შორის სამხედრო თანამშრომლობის შესახებ შეთანხმება 2014 წელს შედგა. ფილიპინების ლიდერს ხელშეკრულების გაუქმება სურს.
