ვენესუელაში პოლიტიკური კრიზისი ღრმავდება. პრეზიდენტის იმპიჩმენტის მოთხოვნით სტუდენტებმა კარაკასში მასშტაბური საპროტესტო მსვლელობები მოაწყვეს. აქცია პოლიციასთან შეტაკებაში გადაიზარდა, რის შედეგადაც 30-მდე ადამიანი დაშავდა. რამდენიმე მათგანის მდგომარეობა კრიტიკულია. პრეზიდენტის იმპიჩმენტის საკითხზე საყოველთაო რეფერენდუმის გამართვა ვენესუელაში ხვალისთვის იგეგმებოდა, თუმცა ცენტრალურმა საარჩევნო კომისიამ რეფერენდუმი დაბლოკა.
