ერაყის სახელისუფლო ძალებმა ქურთი მებრძოლების დახმარებით მოსულისკენ მიმავალი გზა გაწმინდეს. კოალიციის ავიაციის მხარდაჭერით მათ ისლამისტთა კონტროლისგან 800 კვადრატული კილომეტრის ფართობი გაათავისუფლეს. ოპერაცია ერაყის სიდიდით მეორე ქალაქის გასათავისუფლებლად 17 ოქტომბერს დაიწყო. ერთკვირიანი შტურმის შედეგად ისლამური სახელმწიფოს პოზიციები საკმაოდ დასუსტდა. მოსულს ისლამისტები 2014 წლის ზაფხულიდან აკონტროლებენ.
