ვენესუელის პრეზიდენტი ვატიკანში რომის პაპმა მიიღო. ფრანცისკ პირველმა ნიკოლას მადუროს ოპოზიციასთან კონსტრუქციული დიალოგისკენ მოუწოდა. მანამდე კარაკასში ვატიკანის წარმომადგენლები ვენესუელის ოპოზიციის ლიდერებს შეხვდნენ. ცნობილი ხდება ისიც, რომ მმართველი გუნდი და ოპოზიცია პოლიტიკური კრიზისის დასაძლევად მოლაპარაკების დაწყებაზე შეთანხმდნენ. პოლიტიკური ვითარება ვენესუელაში მას შემდეგ გამწვავდა, რაც პარლამენტმა მადურო კონსტიტუციის დარღვევაში დაადანაშაულა და მისი იმპიჩმენტი მოითხოვა.
