მორიგი თავდასხმა პაკისტანში. ქალაქ კვეტას პოლიციის აკადემიაში შეიარაღებული პირები შეიჭრნენ. სპეცდანიშნულების რაზმს შენობის გასათავისუფლებლად რამდენიმე საათი დასჭირდა. შეტაკებისას 40-მდე ადამიანი დაიღუპა, 100-ზე მეტი კი დაიჭრა. მათი უმრავლესობა სასწავლებლის კურსანტები არიან. თავდამსხმელთა ზუსტი რაოდენობა ამ დრომდე უცნობია. 5 მათგანი ადგილზე იქნა ლიკვიდირებული.
