საფრანგეთის ჩრდილოეთში მდებარე საპორტო ქალაქ კალეში ლტოლვილთა ბანაკის დემონტაჟი დაიწყო. დღეს დილიდან ე.წ. ჯუნგლების ტერიტორია ათობით მიგრანტმა დატოვა. ისინი ბანაკის სიახლოვეს მდებარე სპეციალურ მიმღებებში გადაჰყავთ, საიდანაც ქვეყნის სხვადასხვა რეგიონებში გადაანაწილებენ. ბანაკის ლიკვიდაციის პროცესი უკვე რამდენიმე საათია, ექსცესების გარეშე მიმდინარეობს. მანამდე მიგრანტებმა კალეში მასობრივი აერეულობები მოაწყვეს. პოლიციასთან შეტაკებისას რამდენიმე ადამიანი დაშავდა.
