ვენესუელის პარლამენტი პრეზიდენტს სახელმწიფო გადატრიალებაში ადანაშაულებს. ნაციონალურმა კონგრესმა ხმების უმრავლესობით ნიკოლას მადუროს ქმედება სახელმწიფო გადატრიალებად მიიჩნია. დეპუტატების თქმით, პრეზიდენტმა მისი იმპიჩმენტის შესახებ დაგეგმილი რეფერენდუმი დაბლოკა. მადუროს გადაყენების მოთხოვნით ხელმოწერების შეჩერების შესახებ გადაწყვეტილება ცენტრალურმა საარჩევნო კომისიამ მიიღო. პარლამენტი ნიკოლას მადუროს ვენესუელის კონსტიტუციის დაარღვევაში ადანაშაულებს და საპროტესტო აქციებით იმუქრება. ქვეყანაში განვითარებულ მოვლენებს საუდის არაბეთში ვიზიტით მყოფი ნიკოლას მადურო უკვე გამოეხმაურა. მისი თქმით, ოპოზიცია ძალაუფლების ხელში ჩაგდებას არაკონსტიტუციური მეთოდებით ცდილობს.
