ერაყის ჩრდილოეთ ნაწილში მდებარე ქალაქ კირკუკზე ისლამისტებმა იერიში მიიტანეს. დაღუპულია 16 ადამიანი. ადგილობრივი მედიის ინფორმაციით, ისლამისტთა სამიზნე პოლიციის განყოფილებები და ელექტროსადგური გახდა. კირკუკი 150 კილომეტრში მდებარეობს ერაყის სიდიდით მეორე ქალაქ მოსულიდან, რომლის გასათავისუფლებლადაც ერაყის არმიამ მასშტაბური სამხედრო ოპერაცია 4 დღის წინ დაიწყო.
