თურქეთში სამხედრო გადატრიალების მცდელობის საქმესთან დაკავშირებით 40 ჯარისკაცი დააკავეს. ადგილობრივი მედიის ინფორმაციით, საუბარია ქალაქ კონიას ავიაბაზის სამხედრო მოსამსახურეებზე. სააგენტო „დოგანის“ ინფორმაციით, დაკავების ბრძანება კიდევ 47 ჯარისკაცზეა გაცემული. პუტჩის მცდელობასთან სავარაუდო კავშირის გამო ჩაშლილი სამხედრო გადატრიალების შემდეგ თურქეთში სულ 32 ათასი ადამიანია დაპატიმრებული.
