ჩრდილოეთ კორეის საშუალო რადიუსის ბალისტიკური რაკეტის გამოცდა წარუმატებლად დასრულდა. ამის შესახებ ინფორმაციას შეერთებული შტატებისა და სამხრეთ კორეის შეიარაღებული ძალების წარმომადგენლები ავრცელებენ. გაშვებული რაკეტა ჰაერშივე აფეთქდა. ამერიკული დაზვერვის ცნობით, ფხენიანმა კიდევ ერთხელ სცადა საკუთარი წარმოების რაკეტის, სახელწოდებით „მუსუდანის“ გამოცდა. სამხრეთ კორეის გენშტაბმა ჩრდილოელი მეზობლის ქმედება გააკრიტიკა და მას მიზანმიმართული პროვოკაცია უწოდა.
