ჰილარი კლინტონისა და დონალდ ტრამპის ბოლო დებატებს შეერთებული შტატების პრეზიდენტის, ბარაკ ობამას ძმაც დაესწრება. მალიკ ობამა რესპუბლიკელთა კანდიდატის მხარდამჭერია. „მიხარია, რომ დებატებზე დასწრების საშუალება მექნება. ტრამპს შეუძლია ამერიკა ისევ დიდ სახელმწიფოდ აქციოს“,- განაცხადა მალიკ ობამამ „ნიუ-იორკ პოსტთან“ ინტერვიუში. ბარაკ ობამას ძმა მოქმედი პრეზიდენტისა და ყოფილი სახელმწიფო მდივნის, ჰილარი კლინტონის პოლიტიკას მუდმივად აკრიტიკებს.
