ვაშინგტონი ეჭვობს, რომ ისლამისტები მოსულის მოსახლეობას ცოცხალ ფარად გამოიყენებენ. ამის შესახებ თეთრი სახლის პრეს-მდივანმა ჯოშ ერნესტმა განაცხადა. მისივე თქმით, ერაყის სახელისუფლო ძალებს ისლამისტური მებრძოლები სერიოზულ წინააღმდეგობას გაუწევენ, თუმცა კოალიციის ავიაციის დახმარებით ერაყის არმია მოსულის გათავისუფლებას შეძლებს. ერაყის სიდიდით მეორე აქლაქის გასათავისუფლებლად მასშტაბური სახმელეთო ოპერაცია გუშინ დილით დაიწყო. არმიის შენაერთებმა მოსულის სიახლოვეს მდებარე ქალაქი ნიმრუდი 24 საათში დაიკავეს.
