ტაილანდში მონარქის გარდაცვალების გამო 30 დღიანი გლოვა გამოცხადდა. ბანგკოკის ქუჩებში სამგლოვიარო ცერემონიაში მონაწილეობის მისაღებად ათობით ათასი ადამიანი გამოვიდა. მეფე ფხუმიპონ ადულიადეტი, რომელმაც თანამედროვე მსოფლიოში ყველაზე დიდხნას იმეფა, 88 წლის ასაკში გარდაიცვალა. ის სამეფო ტახტზე 70 წლის წინ ავიდა. ქვეყნის მასშტაბით სახელმწიფო დაწესებულებებზე დაშვებულია დროშები, გაუქმებული და გადადებულია კონცერტები, კინოპრემიერები და სპორტული ასპარეზობები.
