რუსეთი და შეერთებული შტატები მსოფლიოში ცენტრალურ ადგილს იკავებენ და მათ ურთიერთობის დალაგებაზე უნდა იზრუნონ. ამის შესახებ გაეროს ახლადარჩეულმა გენერალურმა მდივანმა განაცხადა. ანტონიო გუტერეშის თქმით, ის მზადაა ამ პროცესში მონაწილეობა თავად მიიღოს და მოლაპარაკებებში შუამავლის ფუნქცია შეასრულოს.
"ალბათ, ყველანი ვთანხმდებით იმაზე, რომ შეერთებული შტატები და რუსეთი მსოფლიოში ცენტრალურ პოზიციას იკავებენ. მე ყოველთვის ვეცდები ამ ქვეყნების დაახლოებას შევუწყო ხელი, რადგანაც დარწმუნებული ვარ, რომ თუ ეს მოხდება, ვაშინტონსა და მოსკოვს უდიდესი შესაძლებლობები მიეცემა. მათ შეუძლიათ დაარწმუნონ კონფლიქტებში ჩართული სხვა სახელმწიფოები, რომ ნებისმიერი უთანხმოების დაძლევა შესაძლებელია,"-აღნიშნა გუტერეშმა.
