ჩეჩნეთის ლიდერის წინააღმდეგ აგორებული სკანდალის შესახებ ახალი დეტალები ირკვევა. როგორც ბავშვთა ორთაბრძოლების მონაწილის, დამირ შევხუჟევის მამა ირწმუნება, მისი და რამზან კადიროვის ვაჟების პაექრობა ჩაწყობილი იყო.
„არანაირი ტურნირი ეს არ ყოფილა. ეს იყო ბავშვების საჩვენებელი გამოსვლა. ყველაფერი წინასწარ დაგეგმილი და შეთანხმებული იყო,“-აცხადებს ზამრატ შევხუჟევი.
ბრძოლა წესების გარეშე ბავშვების მონაწილეობით გროზნოში 4 ოქტომბერს გაიმართა. ასპარეზობაში კადიროვის სამი ვაჟი მონაწილეობდა. რინგი მათ გამარჯვებულებმა დატოვეს. ჩემპიონატში ბავშვების მონაწილეობის გამო ჩეჩნეთის პრეზიდენტი ადამიანის უფლებათა დამცველებმა გააკრიტიკეს.
