საფრანგეთის პრეზიდენტმა შესაძლოა ვლადიმერ პუტინთან დაგეგმილ შეხვედრაზე უარი თქვას. ამის შესახებ მან ფრანგული ტელეარხისთვის მიცემულ ინტერვიუში განაცხადა. ფრანსუა ოლანდის თქმით, ის დარწმუნებული არაა, რამდენად შედეგიანი და სასარგებლო იქნება კრემლის ლიდერთან შეხვედრა. ორი ქვეყნის პრეზიდენტების შეხვედრა რუსეთის საგარეო საქმეთა მინისტრმა დაანონსა. სერგეი ლავროვმა აღნიშნა, რომ ვლადიმერ პუტინი და ფრანსუა ოლანდი 19 ოქტომბერს დაგეგმილ შეხვედრაზე სირიის კრიზისის დარეგულირებასა და აღმოსავლეთ უკრაინაში არსებულ ვითარებაზე იმსჯელებენ.
