რუმინეთში საპროტესტო აქცია გაიმართა. ბუქარესტის ქუჩებში 2 ათასამდე ადამიანი ყოფილი ვიცე-პრემიერის გასამართლების მოთხოვნით გამოვიდა. „ჩვენ სამართლიანობა გვჭირდება და არა იმუნიტეტი“, „კანონზე მაღლა არავინ დგას“ - ამ ლოზუნგებით დემონსტრანტებმა გაბრიელ ოპრიას წინააღმდეგ სისხლის სამართლის საქმის აღძვრა მოითხოვეს. ყოფილ ვიცე-პრემიერს ბრალი არაწინასწარი განზრახვით პოლიციელის მკვლელობაში ედება. პოლიციელი შარშან დაიღუპა, როდესაც ოპრიას კორტეჟს მოტოციკლით მიჰყვებოდა და ავარიაში მოყვა. სენატმა გადაწყვიტა მომხდარის გამო პოლიტიკოსის წინააღმდეგ საქმე არ აღძრულიყო.
