ამერიკის სენატმა 2017 წლის ბიუჯეტი დაამტკიცა. ახალ ბიუჯეტში თავდაცვის სამინისტროსთვის კოლოსალური თანხა გამოიყო. კარტერის უწყება 602 მილიარდ დოლარს მიიღებს. თანხის სოლიდური ნაწილი ევროპის უსაფრთხოების დაცვასა და რუსეთის აგრესიის შეჩერებას მოხმარდება. რუსეთის მხრიდან მომდინარე საფრთხეების აღსაკვეთად პენტაგონმა ბიუჯეტიდან 3,4 მილიარდი დოლარი ჯერ კიდევ თებერვალში გამოითხოვა.
გაზრდილი ბიუჯეტით ცენტრალურ და აღმოსავლეთ ევროპაში ნატოს დამატებითი ძალების განთავსება იგეგმება. ასევე იგეგმება საქართველოს, უკრაინისა და მოლდოვის დახმარება. როგორც თეთრ სახლის ვებგევრდზე გამოქვეყნებულ დოკუმენტშია ნათქვამი, ვაშინგტონი ნატო-ს პარტნიორებსა და მოკავშირეებს პოლიტიკურ, ეკონომიკურ, დიპლომატიურ და სამხედრო მხარდაჭერას გაუწვეს და საქართველოს, უკრაინას და მოლდოვას რუსეთის აგრესიისთვის წინააღმდეგობის გაწევის შესაძლებლობების გაძლიერებაში დაეხმარება.
