ბათუმობის დღესასწაულისთვის მზადება დაიწყო. ანბანის კოშკთან მთავარი სცენის მონტაჟი მიმდინარეობს, რომელიც ბათუმის მერის მოადგილემ ალექსანდრე მითაიშვილმა დაათვალიერა. ბათუმობის გალა კონცერტი კვირას 4 სექტემბერს 19:00 საათზე გაიმართება.
3 და 4 სექტემბერს ბათუმი „ბათუმობა 2016“-ს მასპინძლობს, რისთვისაც ქალაქის ბიუჯეტიდან დაახლოებით 300 000 ლარი გამოიყო. პროგრამა რამდენიმე კონცერტს და სხვადასხვა კულტურულ ივენთს მოიცავს.
3 სექტემბერს ღონისძიება გაიმართება კულტურის სახლში, ხოლო 4 სექტემბერს ანბანის კოშკთან.
ბათუმის მერიაში აცხადებენ, რომ ქუჩები გაფორმდება ორიგინალურად. ბათუმობას დაესწრებიან სტუმრები დამეგობრებული ქალაქებიდან. დაგეგმილია სხვადასხვა გამოფენები და აქტივობები.
